Filosoflar 'Biznes Doktor' Olsaydılar

'Filosoflar ’Biznes Doktor’ Olsaydılar' - qədim fəlsəfənin hikmətini müasir iş dünyası ilə birləşdirən unikal bir uşaq və gənclər kitabıdır. Bu əsər Sokratdan və Platon­dan tutmuş Nizami Gəncəvi, Yusuf Xas Hacib və Nəsirəddin Tusi kimi Şərq mütəfəkkirlərinə qədər bir çox böyük filosofun ideyalarını sadə, zəngin və düşündürücü şəkildə təqdim edir.Kitabın məqsədi uşaqlara və gənclərə fəlsəfi düşünmə, düzgün qərarvermə, liderlik, məsuliyyət, intizam, komanda işi və etik davranış kimi həyat və karyera bacarıqlarını erkən yaşlardan aşılamadır. Burada hər bir filosofun əsas ideyası qısa, aydın və hekayəvari şəkildə izah olunur. Daha sonra isə həmin ideyanın müasir biznes və karyera həyatı ilə necə əlaqələndiyi nümayiş etdirilir.Bu kitab məktəblilər, yeniyetmələr, müəllimlər və valideynlər üçün həm öyrədici, həm də motivasiyaedici bir yoldur. Oxucu həm qədim dünyanın böyük düşünürlərini tanıyır, həm də onların fikirlərinin bu gün necə işlədiyini anlayır. Əsas vurğu isə sadə bir həqiqətə yönəlib:Təhsildə öyrəndiyimiz dəyərlər iş həyatında da yaşamalıdır.Kitab gənc oxuculara belə düşünmə vərdişləri qazandırır:- düzgün sual vermək;- məqsədyönlü olmaq;- davranışda ədaləti qorumaq;- seçimlərinə sahib çıxmaq;- nizam-intizam yaratmaq;- özünü və digərlərini anlamaq;- həyat və karyera üçün sağlam əsas qurmaq.Bu əsər həm fəlsəfə, həm biznes, həm də şəxsi inkişaf sahəsində nadir bir körpü rolunu oynayır. Gənclərə öz yollarını daha aydın görməkdə, düşüncə tərzlərini formalaşdırmaqda və gələcək karyeralarını planlaşdırmaqda dəyərli istiqamətlər göstərir.Düşünmək, öyrənmək və inkişaf etmək istəyən hər bir gənc üçün ilhamverici bir bələdçi.